ہالینڈ میں عام انتخابات کے لیے ووٹنگ شروع

ہالینڈ میں عام انتخابات کے لیے ووٹنگ شروع ہو گئی ہے۔

ووٹنگ کا عمل مقامی وقت کے مطابق صبح   ساڑے سات بجے  ہوا جو  رات گیارہ بجے تک جاری رہے گا۔

الیکشن میں 150 سیٹوں کے لیے 1126 امیدوار اور 26 پارٹیاں مدمقابل ہیں۔ ان انتخابات میں جن میں ترک نژاد 42 امیدواروں نے حصہ لیا، کسی بھی جماعت کے اپنے طور پر حکومت بنانے کے لیے اکثریت تک پہنچنے کی توقع نہیں ہے۔

انتخابات کے ابتدائی  نتائج کا اعلان رات گئے متوقع ہے۔

ڈچ میڈیا ووٹنگ کا عمل ختم ہونے کے بعد ایگزٹ پول شائع کرنا شروع کر دے گا۔ سرکاری نتائج کا اعلان انتخابات کی تاریخ کے 8 دن بعد کیا جائے گا۔

نتائج باضابطہ آنے کے بعد حکومت سازی کے لیے مذاکرات شروع ہوں گے۔ یہ کہا گیا ہے کہ جس عمل میں پارلیمنٹ میں سب سے زیادہ نشستیں حاصل کرنے والی پارٹی دوسری جماعتوں کو حکومت بنانے کی تجویز دے گی اس میں دن، ہفتے یا مہینے بھی لگ سکتے ہیں۔ اس سے قبل ملک میں حکومت 2021 میں انتخابات کے بعد 229 دن میں قائم ہوئی تھی، اس عمل میں 2017 میں 225 دن، 1977 میں 208 دن اور 2012 میں 54 دن لگے تھے۔

ملک میں، جس پر حالیہ برسوں میں مسلسل مخلوط حکومتیں چل رہی ہیں، حکومت بنانے کے لیے کسی پارٹی کو پارلیمنٹ کے 150 میں سے کم از کم 76 اراکین کی حمایت حاصل کرنا ضروری ہے۔

نیدرلینڈز میں پیپلز پارٹی فار فریڈم اینڈ ڈیموکریسی (VVD)، کرسچن ڈیموکریٹک یونین (CDA)، ڈیموکریٹس 66 (D66) اور کرسچن یونٹی پارٹی (CU) پر مشتمل مخلوط حکومت نے 7 جولائی 2023 کو امیگریشن پر اختلاف رائے کی وجہ سے استعفیٰ دے دیا تھا۔