بیبی اسٹاک ہوم کے پانی میں لجنیلا بیکٹیریا، مہاجرین کی فریاد: ہماری زندگیوں کو خطرہ ہے
انگلینڈ کے تیار کردہ، فلوٹنگ ریذیڈینس بحری جہاز 'بیبی اسٹاک ہوم' کے پانی میں لجنیلا بیکٹیریا کی نشاندہی، مہاجرین کو جانوں کا خطرہ
انگلینڈ کے، پناہ گزینوں اور مہاجرین کے قیام کے لئے تیار کردہ، فلوٹنگ ریذیڈینس بحری جہاز 'بیبی اسٹاک ہوم' میں مقیم ایک مہاجر نے کہا ہے کہ "ہمارے ساتھ جانوروں سے بدتر سلوک کیا جا رہا ہے"۔
مہاجر نے نام کو پوشیدہ رکھتے ہوئے سکائی نیوز کے لئے جاری کردہ بیان میں، پھیپھڑوں کی بیماری کا سبب بننے والے' لجنیلا بیکٹیریا' کی تشخیص کے بعد خالی کئے گئے، 'بیبی اسٹاک ہوم' کے بارے میں تفصیلی معلومات فراہم کی ہیں۔
مہاجر نے کہا ہے کہ میں جہاز پر بھیجے جانے کی وجہ سے بہت افسردہ ہوں۔ بیبی اسٹاک ہوم میں ہماری زندگیوں کو خطرہ لاحق ہے۔ ہم بیکٹیریا والا پانی پی رہے اور نہانے دھونے کے لئے استعمال کر رہے ہیں۔
مہاجر نے کہا ہے کہ جہاز کے عملے نے پانی کے نمونے لینے کا دعوی کیا ہے لیکن ہماری زندگیوں کی پروا کئے بغیر ہمیں وہاں منتقل کیا گیا ہے۔ ہمیں وہاں بھیجنے سے پہلے انہیں یقین کرنا چاہیے تھا کہ آیا یہ جہاز زندگی گزارنے کے لائق ہے بھی کہ نہیں؟ آخر انہوں نے پانی کے نمونوں کے نتائج کا انتظار کیوں نہیں کیا؟ ہمارے ساتھ جانوروں سے بدتر سلوک کیا جا رہا اور ہماری زندگیوں کو خطرے میں ڈالا جا رہا ہے"۔
مہاجر نے کہا ہے کہ جہاز کے پانی میں بیکٹیریا کی موجودگی ہمارے جہاز میں قیام کے دن یعنی 7 اگست سے ہی معلوم تھی۔ سب کچھ جانتے بوجھتے ہمیں وہاں کیوں بھیجا گیا ہے۔ میں بیمار نہیں ہونا چاہتا۔ یہاں میرا کوئی بھی نہیں ہے"۔
واضح رہے کہ مہاجرین اور غیر قانونی نقل مکانوں کو 7 اگست کو بیبی اسٹاک ہوم پر منتقل کیا گیا جہاز کے پانی میں لجنیلا بیکٹیریا کی نشاندہی کے بعد 11 اگست کو مہاجرین کو دوبارہ ہوٹلوں میں منتقل کر دیا گیا تھا۔
پہلے مرحلے میں جہاز پر 39 مردوں پر مشتمل گروپ کو منتقل کیا گیا تھا۔
