صدر یوکرین کی پیرس میں فرانسیسی صدر سے ملاقات

فرانس کے صدر ایمانوئل میکرون اور یوکرین کے صدر ولادیمیر زیلنسکی نے فرانس کے دارالحکومت پیرس میں ملاقات کی۔

میکرون اور زیلنسکی کے درمیان تقریباً 3 گھنٹے تک جاری رہنے والی ملاقات کے حوالے سے ایلیسی پیلس کی جانب سے جاری مشترکہ تحریری بیان میں کہا گیا ہے کہ دونوں رہنماؤں نے یوکرین ۔روس جنگ کی مذمت کی۔

بیان میں اس بات پر زور دیا گیا ہے کہ روس کو فوری طور پر اور غیر مشروط طور پر یوکرین کی سرزمین سے اپنی افواج کو واپس بلانا چاہیے، فرانس اور یوکرین نے روس سے زاپوریا  جوہری پاور پلانٹ  پر قبضے کو ختم کرنے کا بھی  مطالبہ کیا۔

بیان میں اس بات پر زور دیا گیا کہ فرانس یوکرین کی آزادی، خودمختاری اور علاقائی سالمیت کا دفاع کرتا  ہے۔

پیرس انتظامیہ جب تک ضروری ہوا یوکرین کی سیاسی، مالی، انسانی اور فوجی مدد جاری رکھے گا کی طرف اشارہ رکنے والے بیان میں کہا گیا ہے کہ فرانس آئندہ ہفتوں میں کئی بٹالین کو تربیت دے گا اور انہیں درجنوں بکتر بند گاڑیوں اور ہلکے ٹینکوں سے لیس کرے گا۔ جن میں  AMX 10-RC قسم کے ہلکے جنگی ٹینک شامل ہوں گے۔

علاوہ ازیں یہ بات بھی قابل توجہ  ہے کہ پیرس انتظامیہ یوکیرین کی فضائی دفاعی استعداد کو مضبوطی دلانے  پر توجہ  دے رہی ہے۔

یوکرین اور فرانس کی جانب سے روس کے خلاف نئی پابندیوں کے مطالبے کا حوالہ دیتے ہوئے بیان میں کہا گیا ہے کہ فرانس نے بحیرہ اسود کے اناج کے اقدام کو جاری رکھنے کے لیے یوکرین کی کوششوں کی اہمیت پر زور دیا۔

بیان میں کہا گیا کہ یوکرین اور اس کے عوام کا مستقبل یورپی خاندان سے تعلق رکھتا ہے اور فرانس نیٹو یوکرین کمیشن کی حمایت کرتا ہے۔