برطانیہ، امیگریشن سنٹر پر پیٹرول بم حملہ
فائر اینڈ ریسکیو سروس کی مداخلت سے علاقے میں آتش گیر مادے اور تیل بم کے باعث لگنے والی آگ پر قابو پالیا گیا
1899800
برطانوی شہر ڈوور میں امیگریشن بارڈر فورس کے ہیڈ کوارٹر پر پیٹرول بم پھینکنے والے شخص نے بعد میں خودکشی کر لی۔
برطانوی میڈیا میں شائع خبر کے مطابق عینی شاہدین نے بتایا کہ ایک شخص نے امیگریشن سینٹر پر آتش گیر مادہ پھینکا اور اس حملے کے بعد خودکشی کرلی۔
فائر اینڈ ریسکیو سروس کی مداخلت سے علاقے میں آتش گیر مادے اور تیل بم کے باعث لگنے والی آگ پر قابو پالیا گیا۔
پولیس کی ٹیمیں کچھ ہی دیر میں جائے وقوعہ پر پہنچ گئیں اور علاقے کی ناکہ بندی کر دی۔
وزارت داخلہ کے ترجمان نے بتایا کہ اس واقعے کے بعد پولیس کی ٹیمیں علاقے میں تعینات کر دی گئیں، تاہم انہوں نے مزید معلومات فراہم نہیں کیں۔
