جرمنی: سرکاری راز افشا کرنے کے الزام میں 2 افراد گرفتار

جرمنی میں 2 افراد کو سرکاری رازوں کو افشا کرنے کے الزام میں گرفتار کر لیا گیا ہے۔

وفاقی اٹارنی دفتر سے جاری کردہ بیان کے مطابق دھماکہ خیز مادے تیار کرنے والی ایک فرم کے ملازم 54 سالہ تھامس ایم اور ایک اسلحہ کمپنی کے برانچ منیجر 59 سالہ مارٹن ایم  کو سرکاری راز افشا کرنے کے الزام میں حراست میں لے لیا گیا ہے اور ان کے گھروں کی تلاشی لی گئی ہے۔

جاری کردہ بیان کے مطابق یہ دونوں افراد ایک دوسرے کو جانتے ہیں اور تھامس ایم کے پاس  "خفیہ " کی عبارت والی  جرمن وزارت دفاع  کے بجٹ منصوبہ بندی  سے متعلق مسودے کے ایک حصے پر مبنی دستاویز موجود ہے۔

بیان میں کہا گیا ہے کہ دستاویز کے مندرجات جرمنی کی سلامتی پالیسیوں کے حوالے سے اہمیت کے حامل ہیں اور تھامس ایم نے سال 2016 میں دستاویز کی ایک کاپی مارٹن ایم  کو فراہم کی تھی۔

مارٹن ایم نے بعد ازاں  دستاویز کی کاپی اپنے ملازمین اور افسر کو بھی فراہم کی۔

مارٹن کو ملازمت دینے والے شخص کے جرمنی کی وفاقی آئین کے تحفظ  کی کمیٹی کو مطلع کرنے پر موضوع سے متعلق تحقیقات کا آغاز کروایا گیا۔

بیان  میں کہا گیا  ہے کہ تاحال   یہ بات واضح نہیں ہوئی کہ دستاویز بات واضح نہیں ہوئی تھامس ایم کے ہاتھ کیسے لگی۔

مزید یہ کہ مارٹن ایم اور تھامس ایم کو 26 جنوری کو ملازمتوں سے برطرف کئے جانے کی عدالت  کی طرف سے تصدیق کی گئی ہے۔