وزیراعظم کا پاکستان اور ترکیہ کے درمیان دوطرفہ تعاون کو مزید مستحکم کرنے کے عزم کا اعادہ
دونوں رہنماؤں نے عید الفطر کے پر مسرت موقع پر پاکستان اور ترک عوام کے لیے امن، خوشحالی اور اتحاد کے لیے نیک خواہشات کا اظہار کیا
وزیر اعظم محمد شہباز شریف اور ترکیہ کے صدر عزت مآب رجب طیب ایردوان کے درمیان ٹیلی فونک رابطے میں عیدالفطر کی مبارکباد کا تبادلہ کیا گیا۔
دونوں رہنماؤں نے عید الفطر کے پر مسرت موقع پر پاکستان اور ترک عوام کے لیے امن، خوشحالی اور اتحاد کے لیے نیک خواہشات کا اظہار کیا دونوں ممالک کے درمیان گہرے اور تاریخی تعلقات کا ذکر کرتے ہوئے وزیراعظم نے دونوں ممالک کے درمیان باہمی دلچسپی کے تمام شعبوں میں دوطرفہ تعاون کو مزید مستحکم کرنے کے اپنے عزم کا اعادہ کیا۔
دونوں رہنماؤں نے اس بات کا اعادہ کیا کہ وہ بنیادی قومی مفادات پر ایک دوسرے کی بھرپور حمایت جاری رکھیں گے۔ دونوں رہنماؤں نے فلسطین میں قیام امن پر بھی زور دیا۔ وزیراعظم نے صدرایردوان کو جلد از جلد پاکستان کا دورہ کرنے کی دعوت دی۔ اس دورہ سے اسٹریٹجک کوآپریشن کونسل (HLSCC) کے ساتواں اجلاس بھی منعقد ہونے کے کی امکانات بھی روشن ہو جائیں گے ۔