اقوام متحدہ کی جنرل اسمبلی میں ترک وفد کا اسرائیل کے خلاف احتجاج

اسرائیل  کی جانب سے غزہ میں 31 ہزار سے زائد بے گناہوں کا قتل   عام پر ترکیہ  نے اس  نسل کشی پر  اپنے  شدید   رد عمل کا اظہار  کرنے کا سلسلہ جاری رکھا ہوا ہے ۔

خاندانی اور سماجی خدمات کے وزیر ماہ نور  اوزدیمیر گیوکتاش نے اقوام متحدہ (یو این) جنرل اسمبلی ہال میں ایک احتجاج کے ساتھ اسرائیل کی نسل کشی پر ردعمل کا اظہار کیا ہے۔

نیو یارک، امریکہ میں اقوام متحدہ کے جنرل اسمبلی ہال میں "خواتین کی حیثیت سے متعلق کمیشن" کے اجلاس میں جب اسرائیل کا ذکر کیا گیا تو  خاندانی اور سماجی خدمات کے وزیر ماہ نور  اوزدیمیر گیوکتاش کی قیات میں  ترک وفد نے  جنرل اسمبلی کے اس اجلاس کا بائیکاٹ کردیا ۔

اسرائیلی وزیر برائے سماجی مساوات اور خواتین کی ترقی مے گولن کی تقریر ختم ہونے کے بعد خاندانی اور سماجی خدمات کے وزیر ماہ نور  اوزدیمیر گیوکتاش اور ترک وفد واپس  جنرل اسمبلی ہال چلے آئے۔

سیشن سے خطاب کرتے ہوئے، خاندانی اور سماجی خدمات کے وزیر ماہ نور  اوزدیمیر گیوکتاش نے غزہ کے لوگوں کے لیے ترکیہ کی حمایت کا اعادہ کیا۔

عالمی چیلنجوں سے نمٹنے کے دوران، وزیر گیوکتاش نے بنیادی وجوہات، خاص طور پر غربت اور ادارہ جاتی کمزوری کا مقابلہ کرنے کی اہمیت پر زور دیا۔

"انہوں نے کہا کہ جب ہم مساوات کے مسئلے پر بات کرتے ہیں، تو ہم جاری بحران کو نظر انداز نہیں کر سکتے جو فلسطینیوں کے خلاف اسرائیل کے اقدامات کے نتیجے میں عظیم انسانی مصائب کا باعث بن رہا ہے۔