ترک وزیر کی یو اے ای کے وزیر سرمایہ کاری امور سے انقرہ میں ملاقات

توانائی اور قدرتی وسائل کے وزیر الپ ارسلان بائراکتار  نے متحدہ عرب امارات کے وزیر سرمایہ کاری محمد حسن الا صویدی کے ساتھ توانائی کے شعبے میں تعاون کے روڈ میپ پر تبادلہ خیال کیا۔

وزیر بائراکتار نے ایکس سوشل میڈیا  پر اپنی پوسٹ میں لکھا ہے کہ انہوں نے دارالحکومت انقرہ میں الا صویدی  سے  مذاکرات کیے ہیں۔

وزیر بائراکتار  کا کہنا ہے کہ "ہماری ملاقات  میں گزشتہ سال دونوں ممالک کے درمیان طے پانے والے توانائی کے معاہدوں کو ٹھوس شکل دینے  سے متعلق ایک  روڈ میپ پر تبادلہ خیال ہوا ہے۔ ہم توانائی کے شعبے میں نئے منصوبوں کے ساتھ اپنے تعلقات کو مضبوط بنائیں گے، اور مل کر اپنے علاقائی تعاون کو مزید آگے بڑھائیں گے۔ "