ترکیہ: فتح پریویزا اور یومِ بحریہ کے موقع صدر ایردوان کا خصوصی پیغام
فتح پریویزا کی 485 ویں سالانہ یاد کے موقع پر میں چیف ایڈمرل باربروس خیر الدین پاشا اور ان کے جوانوں کو دعائے رحمت و مغفرت کے ساتھ یاد کررہا ہوں: صدر رجب طیب ایردوان
2043322
ترکیہ کے صدر رجب طیب ایردوان نے پریویزا بحری فتح کی سالانہ یاد اور یومِ بحریہ کے موقع پر خصوصی پیغام جاری کیا ہے۔
ترکیہ صدارتی محکمہ اطلاعات کے جاری کردہ بیان کے مطابق صدر ایردوان نے پیغام میں کہا ہے کہ "پریویزا فتح ہماری پُر شکوہ بحری فتوحات میں سے ایک ہے۔ اس فتح کی 485 ویں سالانہ یاد کے موقع پر میں چیف ایڈمرل باربروس خیر الدین پاشا اور ان کے جوانوں کو دعائے رحمت و مغفرت کے ساتھ یاد کرتا اور ترکیہ کے سمندروں میں فرائض پر مامور ترک بحریہ کے دلیر جوانوں کو یومِ بحریہ کی مبارکباد پیش کرتا ہوں"۔