دنیا کو ترک ریاستوں کی آوازپر کان دھرنے کی ضرورت ہے : اسپیکرقومی اسمبلی  مصطفیٰ شَن توپ

ترکی کی  قومی اسمبلی کے اسپیکر  مصطفیٰ شَن توپ نے کہا کہ دنیا کو ترک ریاستوں کی آواز کی ضرورت ہے۔

انہوں نے ترکی زبان بولنے والے ممالک کی پارلیمانی اسمبلی (TÜRKPA) کی 11ویں جنرل اسمبلی کے اجلاس سے  جو کرغزستان کی پارلیمنٹ کے سپیکر تلنت ممیتوف کی صدارت میں  میں منعقد ہوا   خطاب کرتے ہوئے کہا کہ  دنیا کو جنگ، اندرونی انتشار، نقل مکانی کی نقل و حرکت، دہشت گردی، موسمیاتی تبدیلی، قدرتی وسائل کی کمی اور ماحولیاتی آلودگی جیسے پیچیدہ مسائل کا سامنا ہے ۔

انہوں نے عالمی اور علاقائی مسائل کے حل کے لیے پولی فونی کی اہمیت پر زور دیتے ہوئے، کہا کہ بین الاقوامی نظام میں حائل رکاوٹوں کو دور کرنے کے لیے انھیں ترک ریاستوں کی آواز کی ضرورت ہے۔

انہوں نے کہا کہ متحد ہونے اور مل کر کام کر   نے  کی  اخلاقی اور مادی طاقت سے واقف ہیں  اور  وہ یقین رکھتے ہیں کہ TÜRKPA کے رکن ممالک کے درمیان نقل و حمل کے نیٹ ورک کو مضبوط کرنا خاص اہمیت کا حامل ہے۔

انہوں نے کہا کہ "ہمیں بین الاقوامی ایسٹ ویسٹ سنٹرل کوریڈور اور کیسپین کراسنگ کے ساتھ آذربائیجان-نخیچیوان کنکشن جیسے اقدامات کے ساتھ ایک دوسرے کے ساتھ زیادہ قریب سے جڑنے کی ضرورت ہے۔ یہ ہمارے ممالک کے لیے تجارت، نقل و حمل اور پیداواری مراکز کے طور پر بڑھنے کی راہ ہموار کرے گا۔ ، اور ہمارے ممالک کو ایک دوسرے کے قریب  لائے گا۔

شَن توپ  نے کہا کہ  اگلا سال TURKPA اور ترکی دونوں کے لیے  بڑی اہمیت کا حامل ہوگا۔   ترکی ایک ایسے وقت میں ترکپا کی جنرل اسمبلی کی میزبانی کرے گا، جب ہم ترکپا کی 15ویں سالگرہ اور ترک جمہوریہ کی 100ویں سالگرہ منائیں ۔