بحیرہ اسود میں بچھائی جانے والی پائپوں کی تیاری کا عمل شروع
2022 میں بحیرہ اسود کی تہوں میں بچھائی جانے والی 169 کلو میٹر طویل پائپوں کی تیاری کا عمل شروع کر دیا گیا
بحیرہ اسود میں استعمال کی جانے والی پائپوں کی پیداوار ی شروع ہو گئی ہے۔
وزیر توانائی و قدرتی وسائل فاتح دونمیز کا کہنا ہے کہ 2022 میں بحیرہ اسود کی تہوں میں بچھائی جانے والی 169 کلو میٹر طویل پائپوں کی تیاری کا عمل شروع کر دیا گیا ہے۔
فاتح دونمیز نے اپنے ٹویٹر پیغام میں لکھا ہے کہ’’ بحیرہ اسود میں دریافت کردہ قدرتی گیس نکالنے کے لیے الٹی گنتی شروع ہو گئی ہے۔ 2022 میں سمندر میں بچھائی جانے والی 169 کلو میٹر طویل پائپوں کی باقاعدہ تیاری شروع ہو گئی ہے، پائپ لائن بچھائے جانے والے مقامات کا تعین ہو چکا ہے، اور تعمیرات میں حصہ لینے والے بحری جہازوں کی تیکنیکی خصوصیات کو بھی وضع کر دیا گیا ہے۔‘‘
ٹرکش پیٹرولیم کارپوریشن نے بحیرہ اسود میں انتہائی گہرائی میں کی گئی تحقیقات کے نتیجے میں ابتک 540 بلین کیوبک میٹر قدرتی گیس دریافت کی ہے۔