صدر ایردوان کا دورہ شمالی قبرصی ترک جمہوریہ

صدر رجب طیب ایردوان نے شمالی قبرصی ترک جمہوریہ کے دورے کے دائرہ کار میں لیفکوشا میں نیشلسٹ  موومنٹ پارٹی  کے بانی و رہنما  الپ ارسلان  ترکیش کی جائے پیدائش    میوزیم ہاؤس کی سیر کی۔

اس دوران اسپیکرِ اسمبلی مصطفیٰ شن توپ، نیشلسٹ  موومنٹ پارٹی کے موجودہ رہنما دولت باہچے لی اور آک پارٹی  کے   ڈپٹی چیئر مین بن علی یلدرم بھی صدر ایردوان کے ہمراہ تھے۔

میوزیم کے بارے میں آگاہی حاصل کرنے والے  جناب ایردوان نے یہاں پر  رکھے گئے خصوصی رجسٹر  پر اپنے تاثرات قلم بند کیے۔

میوزیم کی سیر کے دوران  ایک بچے نے ترک صدر کو پھول پیش کیے۔