ترکی میں ایک اور کورونا ویکسین کا تجربہ جلد ہی شروع ہوگا:نائب صدر
نائب صدر فواد اوکتائے نے بتایا ہے کہ قونیہ کی سلجوک یونیورسٹی کے پروفیسر ڈاکٹر عثمان ارگانیش نےایک مزید ویکسین تیار کی ہے جس کے تجربے کا پہلا مرحلہ جلد ہی شروع ہوگا
1624713
نائب صدر فواد اوکتائے نے بتایا ہے کہ ترکی میں ایک مزید ویکسین کے تجربے کا پہلا مرحلہ شروع کر دیا گیا ہے۔
نائب صدر نے ضلع یوزگات کے ایک مقامی ٹی وی چینل سے گفتگو کرتے ہوئے کہا کہ اس وقت ملک بھر میں مقامی طور پر 18 کورونا ویکسینز کے تجربات جاری ہیں جن میں سے سات نے مثبت نتائج دیئے ہیں۔
انہوں نے بتایا کہ ان میں سے چار کو طبی تجربے کےلیے موزوں بھی قرار دے دیا گیا ہے۔
ضلع قیصری کی اریجئس یونیورسٹی کے پروفیسر ڈاکٹر آئقوت اوزداراندلی کی طرف سے تیار کردہ ویکسین کے تیسرے مرحلے کی جلد شروعات کےبارے میں نائب صدرنے کہا کہ آج ہمیں ایک اور اچھی خبر ملی ہے وہ یہ کہ قونیہ کی سلجوک یونیورسٹی کے پروفیسر ڈاکٹر عثمان ارگانیش نےایک مزید ویکسین تیار کی ہے جس کے تجربے کا پہلا مرحلہ جلد ہی شروع ہوگا۔