ازمیر زلزلے میں ہلاکتوں کی تعداد میں مزید اضافہ

ترکی کے شہر ازمیر میں کل آنے والے ہولناک زلزلے  سے ہلاک شدگان کی تعداد28 اور زخمیوں کی تعداد 885 تک  بڑھ گئی ہے۔

یہ زلزلہ کل مقامی وقت کے مطابق سہ پہر 2 بجکر 51 منٹ پر آیا تھا اور  ریکٹر اسکیل پر اس کی شدت 6.6 تھی۔

زلزلے شدید جھٹکوں سے متعدد عمارتیں زمین بوس ہو گئیں   جس کے بعد سے امدادی کاروائیوں کا سلسلہ جاری ہے۔

وزیرِ صحت فخرالدین قوجا  نے ازمیر زلزلے کے حوالے سے اپنے  بیان میں کہا ہے  کہ 28 افراد جان بحق  ہوگئے ہیں تو  7 انتہائی نگہداشت یونٹ میں ہیں۔ 

ملبے تلے دبے انسانوں کو نکالنے کا کام جاری ہے۔