"سانحہ ہیروشیما "انسانی تاریخ کا بد ترین اور تاریک واقعہ ہے: ایردوان

صدر رجب طیب ایردوان نے  کہا ہے کہ " سانحہ ہیروشیما " کی غلطی دوبارہ نہ دہرائی جائے۔

جاپان کے شہر  ہیروشیما پر 6 اگست سن 1945  کی صبح پھینکے گئے  ایٹم بم کے نتیجے میں ہلاک اور زخمی ہونے والوں کی یاد میں شہر کے یادگار امن پارک میں  ایک تقریب منعقد کی گئی۔

 اس تقریب سے ویڈیو خطاب کے دوران صدر ایردوان نے کہا کہ ہیروشیما کا سانحہ  انسانی تاریخ کا بدترین اور  تاریک واقعہ تھا۔

انہوں نے کہا کہ دوست ملک جاپان کی عوام   سےمیں ایک بار پھر تعزیت کا اظہار کرتا ہوں اور 75 سال سے اس کرب کو کم کرنے میں مصروف ہیرو شیما متاثرین کے اہل خانہ اور ورثا  سے مجھے دلی ہمدردی  ہے اور میں ان کا دکھ سمجھتا ہوں۔

انہوں نے کہا کہ اس واقعے سے ہمیں سبق لینے کی ضرورت ہے جسے  دوبارہ نہ دہرانا وقت کی ضرورت اور  عالم انسانی کا تقاضا ہے۔

 صدر نے  ہیروشیما سانحےمیں زخمی ہونے والے 2 سالہ بچے ساداکو ساساکی کا حوالہ دیتےہوئے کہا کہ  شام،یمن اور فلسطین میں بچوں کو ہلاک کرنے سمیت دیگر جنگی جرائم کا بازار گرم ہے لہذا ہماری ذمے داری ہے کہ  ہم آنے والی نسلوں اور ان کے تابناک مستقبل کی ضمانت کےلیے  اس قسم کی  شر پسندانہ سرگرمیوں کا خاتمہ ممکن بنانے میں تعاون کریں۔

اس یادگاری تقریب میں صدر ایردوان کی نمائندگی  ترک سفیر  حسن مراد مرجان اور ان کے ہمراہ وفد نے کی ۔