ٹرکش ایئر لائنز ترکی کی سب سے قیمتی فرم
ٹرکش ایئر لائنز 2 ارب ڈالر کی ٹریڈ مارک ویلیو کے ساتھ گزشتہ برس کی طرح امسال بھی ترکی کا سب سے قیمتی ٹریڈ مارک منتخب
1432599
بین الاقوامی ٹریڈ مارک جائزاتی ادارے برانڈ فنانس کی تحقیقات کے مطابق ٹرکش ایئر لائنز 2 ارب ڈالر کی ٹریڈ مارک ویلیو کے ساتھ گزشتہ برس کی طرح امسال بھی ترکی کا سب سے قیمتی ٹریڈ مارک منتخب ہوئی ہے۔
برانڈ فنانس نے 2020 سے متعلق ’’ترکی کے قیمتی ترین ٹریڈ مارکس۔ ترکی 100‘‘ لسٹ کو جاری کر دیا ہے۔
اس لسٹ میں 1 ارب 975 ملین ڈالر کی قدر کے ساتھ ترک ہوائی فرم ٹی ایچ وائے اول نمبر پر رہی ہے تو اس کے بعد 1 ارب 616 ملین ڈالر کے ساتھ زراعت بینک کا نمبر آتا ہے۔
لسٹ میں 1 ارب 538 ملین ڈالر کے ساتھ گرانٹی بینک،1 ارب 361 ملین ڈالر کے ساتھ ترک سیل بالترتیب تیسرے اور چوتھے نمبر پر رہے ہیں۔ آرچیلک ہوم اپلائنس فرم 1 ارب 273 ملین ڈالر کے ساتھ 8 ویں سے ترقی کرتے ہوئے 5 ویں نمبر پر آگئی ہے۔