ترکی میں کورونا سے ہلاکتوں اور نئے واقعات میں بدستور کمی کا مشاہدہ

ترکی کی کورونا وائرس کے خلاف جنگ میں کامیابی کا گراف  اب بلندی کی جانب گامزن ہے، جانی نقصان اور نئے کیسسز کی تعداد میں دن بدن گراوٹ آرہی ہے۔

گزشتہ 24 گھنٹوں  میں مزید 84 اموات سے کل جانی نقصان 3  ہزار 258 ہو گیا  ہے۔

اس دوران 41 ہزار 431 تجزیات کیے گئے جن کے بعد 2 ہزار 188 نئے مصدقہ کیسسز  کا تعین  ہوا ہے۔  جن  کے بعد مجموعی متاثرین کی تعداد 1 لاکھ 22 ہزار 392  تک  جا پہنچی ہے۔

ایک دن میں 4 ہزار 922 مریض روبہ صحت ہوئے ہیں ،   جس کے بعد وائرس کو شکست دینے والے مریضوں کی  تعداد 53 ہزار 808 ہو گئی ہے۔