یورپی پارلیمنٹ کے اسکینڈل فیصلے پر ترکی کا پہلا رد عمل
یہ غیر معتبر فیصلہ یورپی پارلیمنٹ کے اب انتہائی دائیں بازو کے نظریات کے زیر ِ تسلط آنے کا کھلم کھلا اعلان کرتا ہے
یورپی پارلیمنٹ کے اسکینڈل فیصلے پر ترکی کا پہلا رد عمل
جسٹس اینڈ ڈویلپمنٹ پارٹی کے ترجمان عمر چیلک نے ترکی کے ساتھ سلسلہ رکنیت مذاکرات کو التوا میں ڈالنے پر مبنی رپورٹ کی یورپی پارلیمان میں منظوری پر کڑی نکتہ چینی کی ہے۔
ترجمان نے کہا کہ"یورپی پارلیمنٹ نے ترکی کے ساتھ سلسلہ مذاکرات کو التوا میں ڈالے جانے کی سفارش کرنے والی ترکی رپورٹ کو قبول کر لیا ہے۔ یہ ہمارے نزدیک بے قدر و قیمت، بے اعتماد اور بے وقعت ایک فیصلہ ہے۔"
جناب چیلک نے سماجی رابطوں کی ویب سائٹ کےذریعے اپنے بیان میں کہا ہے کہ "یہ غیر معتبر فیصلہ یورپی پارلیمنٹ کے اب انتہائی دائیں بازو کے نظریات کے زیر ِ تسلط آنے کا کھلم کھلا اعلان کرتا ہے۔ یورپی پارلیمان جمہوری پیش رفت پر اور اس عمل کی حمایت کے حامل فیصلوں سے کوسوں دور جا چکی ہے، یہ انتہائی دائیں بازور کے نظریات کے حامل دریچے سےکرہ ارض کی جانب دیکھ رہی ہے۔ "
انہوں نے مزید بتایا کہ یہ سب جانتے ہیں کہ ترکی رپورٹ کو تیار کرنے والی شخصیت (کیتحی پیری) ڈیموکریسی سے ہٹ کر دہشت گردی کی پشت پناہی کرنے والو ں سے قربت رکھتی ہے، اپنے ہالوں میں دہشت گرد تنظیم PKK کی نمائشوں کو لگانے والی یورپی پارلیمنٹ کس منہ سے ہماری جمہوریت کو محکوم بنانے کے درپے ہے۔
