ترکی اور آذربائیجان نے ہمیشہ سے ہی ایک دوسرے کی حمایت کی ہے
آذربائیجان اور ترکی دوستی کے گہرے بندھن میں بندھے ہوئے ہیں اور دونوں ممالک نے ہمیشہ سے ہی ایک دوسرے کی حمایت کی ہے
وزیر خارجہ میولود چاوش اولو نے بحیرہ اسود اقتصادی تعاون تنظیم کے 39 ویں وزراء خارجہ کونسل اجلاس میں شرکت کی غرض سے دورہ آذربائیجان کے دوران اس ملک کے صدر الہام علی یف سے ملاقات کی۔
الہام علی یف نے صدارتی رہائش گاہ میں ہونے والی اس ملاقات میں کہا کہ آذربائیجان اور ترکی دوستی کے گہرے بندھن میں بندھے ہوئے ہیں اور دونوں ممالک نے ہمیشہ سے ہی ایک دوسرے کی حمایت کی ہے ۔
انہوں نے مسئلہ قاراباغ کے سلسلہ حل میں ترکی کے آذربائیجان کی حق بجانب حمایت کرنے پر زور دیا ۔
وزیر خارجہ چاوش اولو نے کل انقرہ میں پیش آنے والے ٹرین کے حادثے میں اپنی جانوں سے ہاتھ دھو بیٹھنے والوں کے لیے اظہارِ تعزیت کرنے والے علی یف کا شکریہ اد اکیا۔
انہوں نے کہا کہ "برادر ملک آذربائیجان کے لیڈر کی حیثیت سے آپ نے اچھے اور برے دنوں میں ہمیشہ ہمارا ساتھ دیا ہے، ترکی بھی ہر دائم آپ کے شانہ بشانہ ہے۔ "
آذربائیجان کے کامیابی سے بحیرہ اسود اقتصادی تعاون تنظیم کی عبوری صدارت کو نبھانے کا ذکر کرنے والے ترک وزیر نے کہا کہ اس ملک نے اپنے کندھوں پر اٹھائی گئی تمام تر ذمہ داریوں کو احسن طریقے سے پورا کیا ہے اور میزبانی کردہ تمام تر بین الاقوامی اجلاس کو کامیابی سے سرانجام دیا ہے۔
انہوں نے مزید بتایا کہ مسئلہ قارا باغ اور آذربائیجان کی زمینی سالمیت کے معاملے میں ترکی ہمیشہ اپنی طاقتور حمایت کو برقرار رکھے گا۔