اپنا دفاعی نظام بہتر بنانے کےلیے ہمیں کسی بیرونی طاقت کی اجازت درکار نہیں:صدر ایردوان

صدر رجب طیب ایردوان  نے   بتایا ہے کہ روس کے ساتھ ایس 400 میزائل نظام کی خریداری کا سودا طے ہو گیا ہے  حتی پیشگی رقم بھی ادا کر دی گئی ہے ۔

 انہوں نے اس بات کا اظہار  اسلامی تعاون تنظیم     کے اجلاس  کے بعد وطن واپسی کے دوران کیا ۔

 صدر نے بتایا کہ  ایس 400 میزائل نظام کا سودا  طے ہو گیا ہے  ہمیں اپنے دفاعی  نظام کو بہتر بنانے  یا فیصلے لینے کے لیے کسی  بیرونی طاقت کے مشورے کی ضرورت نہیں  کیونکہ  ہم ایک خودمختار ریاست ہیں  ۔

 صدر ایردوان نے  ڈرون طیاروں سے متعلق بتایا کہ   ترکی  مقامی طور پر ان طیاروں کی تیاری  کی کمل صلاحیت رکھتاہے  جن کے استعمال کے نتیجے میں گزشتہ دنوں  تقریباً 90  دہشتگردوں کو جہنم رسید کرنے میں مدد ملی ہے  ،شام کی صورت حال کے بارے میں  14 ستمبر کو ایک اجلاس منعقد ہوگا، جہاں تک عدلیب   کا سوال ہے تو اس موضوع پر  روس سے  مطابقت موجود ہے حتی ایران سے بھی اس معاملے میں ہمیں کوئی اختلاف  نہیں ہے۔

 جرمنی کے ساتھ موجود سیاسی کشیدگی  کے بارے میں انہوں نے کہا کہ جرمن حکومت کے حالیہ بیانات  اور ان کے غلط   رویے ہمارےلیے باعث خفگی  بنے ہیں  مگر جرمن عوام سے ہمیں کوئی گلہ شکوہ نہیں ہے۔