ترکی کی جانب سے متحدہ امریکہ کے ایوان نمائندگان کی منظورہ کردہ قرارداد پر شدید ردِ عمل

ترکی  نے متحدہ امریکہ   کے ایوان نمائندگان  کی جانب سے   صدر رجب طیب ایردوان  کے دورہ  متحدہ امریکہ   کے دوران  ترکی  کے سفارت خانے  کے سامنے ہونے والے   مظاہرے   کی مذمت کرنے والی قراداد کی منظوری پر  اپنے شدید ردِ عمل کا اظہار کیا ہے۔

ترکی کی وزارتِ خارجہ نے اس  قرارداد  کو حقائق  کے منافی اور  یک طرفہ   فیصلہ قرار دیا ہے۔

وزارتِ خارجہ  کی جانب سے جاری کردہ اعلامیے میں کہا گیا ہے یہ قراداد  عجلت میں منظور کی گئی ہے۔

جاری کردہ اعلامیے میں کہا گیا ہے  کہ  ترکی کے سفارت خانے کے سامنے ہونے والے مظاہرے  کی  سینکڑوں تصاویر  ثبوت کے طور پر پیش کیے جانے کے باوجود متحدہ امریکہ  کی سیکورٹی فورسز نے    وقت پر  حفاظتی اقدامات اختیار نہیں کیے تھے جن کی بدولت یہ  واقعہ پیش آیا۔