ریفرنڈم کے بعد سرحد پار نئے آپریشنز کیے جائینگے، ایردوان
بعض حلقے قصداً ون مین شو کی الزام تراشی کر رہے ہیں
صدر رجب طیب ایردوان نے دہشت گرد تنظیموں کے خلاف سرحد پار نئے آپریشنز کیے جانے کا اشارہ دیا ہے۔
جناب ایردوان نے ایک نجی ٹیلی ویژن چینل پر ایجنڈے کے حوالے سے اعلانات کیے۔
شمالی شام کے دہشت گرد عناصر سے پاک کیے جانے والے جرابلس، رائی، دابک اور الا باب میں کنٹرول قائم ہونے پر زور دینے والے جناب ایردوان نے بتایا کہ 16 اپریل کو منعقد ہونے والے ریفرنڈم کے بعد سرحد پار نئے آپریشنز شروع کیے جائیں گے۔
راقہ میں دہشت گرد تنظیم داعش سے نجات پانے کے لیے امریکی انتظامیہ کو مل جل کر حرکت کرنے کی اپیل کرنے والے جناب ایردوان نے علیحدگی پسند تنظیم PKK کے شام میں بازو پی وائے ڈی کے ہمراہ کاروائیوں کے ایک غلط فعل ہونے پر واشنگٹن کو ایک بار پھر انتباہ دیا ہے۔
انہوں نے بتایا کہ امریکہ اوباما کی انتظامیہ کے دور میں پی وائے ڈی کو تحفظ دینے کی کوشش میں تھا، امریکہ نے اس دہشت گرد تنظیم کو سنجیدہ سطح کی امداد فراہم کی ہے، اس حوالے سے ہمارے پاس دلائل بھی موجود ہیں۔ یہ اسلحہ داعش کے ہاتھ بھی لگا ہے۔
دہشت گرد تنظیم پی وائے ڈی کی منبچ میں تعیناتی کو بھی قبول نہ کیے جانے کی توضیح کرنے والے صدر ترکی نے بتایا کہ شام اور عراق کی سرحدوں پر حفاظتی دیوار کھڑی کی جا رہی ہے جس کی بدولت ہمارے ملک میں آمدورفت کو کنٹرول میں لیا جائیگا، اس طرح قومی سلامتی کو بہترین طریقے سے عمل پذیر دیا جائیگا۔
انہوں نے 16 اپریل کے صدارتی حکومتی نظام پر مبنی آئینی ترمیم کا بھی ذکر کرتے ہوئے کہا کہ بعض حلقے قصداً ون مین شو کی الزام تراشی کر رہے ہیں، یہ سر ا سر غلط ہے ، ہر پانچ برس بعد عوام اپنے لیڈر کا انتخاب خود کریں گے۔
جناب ایردوان نے مزید کہا کہ "جہاں پر انتخابات ہوتے ہیں کیا وہاں پر صرف ایک شخص ہی امیدوار ہوتا ہے؟ ویسے بھی صدارتی نظام صرف ترکی کی ایک انفرادی ترجیح نہیں ہے دنیا کے متعدد ترقی یافتہ ملکوں میں یہی نظام رائج ہے۔
