یونان کے وزیر خارجہ کا بیان بدنیتی پر مبنی اقدام ہے
ترکی کی طرف سے یونان کے وزیر خارجہ نکوس کوچیاس کے، 15 جولائی کے ترک حکومت پر قبضے کے اقدام اور ترکی کے قبرص میں ضامن کے حق کے درمیان رابطہ قائم کرنے کی کوشش سے متعلق، بیانات پر سخت ردعمل کا اظہار
ترکی نے یونان کے وزیر خارجہ نکوس کوچیاس کے 15 جولائی کے ترک حکومت پر قبضے کے اقدام اور ترکی کے قبرص میں ضامن کے حق کے درمیان رابطہ قائم کرنے کی کوشش سے متعلق بیانات پر سخت ردعمل کا اظہار کیا ہے۔
ترکی کی وزارت خارجہ کی طرف سے ان بیانات کو "بد نیتی پر مبنی اقدام" قرار دیا گیا ہے اور کہا گیا ہے کہ موجودہ حالات میں یونان سے ہماری توقع یہ ہے کہ اس صورتحال سے فائدہ اٹھا کر اس نوعیت کے بیانات سے پرہیز کیا جائے اورجو بھی کیا جائے اس میں جمہوری اتحاد کی روح کو پیش نظر رکھا جائے۔
وزارت خارجہ کی طرف سے جاری کردہ تحریری بیان میں کہا گیا ہے کہ یونان کے وزیر خارجہ نکوس کوچیاس کے بیانات پر ہمیں نہایت افسوس ہے۔ وزیر خارجہ کی طرف سے ترکی میں 15 جولائی کو حکومت پر قبضے کی کوشش اور قبرص میں ضامن کے حق کے درمیان زبردستی رابطہ قائم کرنے کی کوشش کو نرم ترین الفاظ میں بھی بیان کیا جائے تو بدنیتی پر مبنی اقدام کہا جا سکتا ہے۔