سی ایچ پی اور آک پارٹی کے نمائندوں کی ملاقات

مخلوط حکومت کے قیام کے سلسلے میں روڈ میپ کا تعین کرنے کی خاطر ترکی کی پہلی دو بڑی سیاسی جماعتوں کے درمیان مذاکرات ہو رہے ہیں۔
جسٹس اینڈ ڈویلپمنٹ اور ریپبلیکن پیپلز پارٹی کے پہلے مرحلے کے مذاکرات کے بعد پہلی بار ملاقات سر انجام پا رہی ہے۔
وزیر ثقافت و سیاحت عمر چیلک اور چی ایچ پی کے نائب چیئر مین خالق کوچ وزارت ثقافت و سیاحت کے دفتر میں یکجا ہوئے۔
اس ملاقات میں مخلوط حکومت کے قیام کے حوالے سے مذاکرات میں پیش رفت کا جائزہ لیا جائیگا اور اب کے بعد کے لائحہ عمل پر غور کیا جا رہا ہے۔
دریں اثناء وزیر اعظم احمد داود اولو نے سی ایچ پی کے ساتھ پہلے مرحلے کی ملاقات کے بعد پریس بریفنگ میں بتایا تھا کہ دوسرے مرحلے کے مذاکرات سے پیشتر کوآرڈینیٹرز کی طرف سے تیار کی جانے والی رپورٹوں کو دونوں سیاسی جماعتوں کےرہنماوں کو پیش کیا جائیگا۔