بن غازی کے ترک قونصل خانے کی سرگرمیاں بند

بن غازی میں ترک قونصل خانے نے اپنی سرگرمیوں کو روک دیا ہے۔
ترکی کے لیبیا کے شہر بن غازی میں سر گرم عمل قونصل خانے نے لیبیا میں تشدد کے واقعات میں اضافے کی بنا پر اپنی سرگرمیوں کو کچھ مدت کے لیے بند کر دیا ہے۔
دفتر ِ خارجہ کے حکام نے اس خبر کی تصدیق بھی کر دی ہے۔
سفارتی حلقوں کا کہنا ہے کہ لیبیا میں حالات میں بہتری آنے پر قونصلیٹ جنرل اپنے کام کو دوبارہ شروع کر دے گا۔
ادھر الجزائر اور سعودی عرب نے بھی سلامتی کے جواز میں لیبیا میں اپنے اپنے سفارتخانوں کی سرگرمیوں کو التوا میں ڈال دیا ہے۔