ترک جغرافیائی مسجل مصنوعات 66

عثمانیہ شہر، جو ترکیہ کے بحیرہ روم کے علاقے اور مشرقی اناطولیہ کے درمیان منتقلی کے راستے پر واقع ہے، روایتی ترک قالین سازی کی ایک خاص مثال ہے۔ "قارا تیپے قالین، جو 2021 میں قادرلی  ایوان تجارت کی درخواست کے ساتھ ترکیہ کی جغرافیائی طور پر مسجل مصنوعات میں شامل ہوا، مکمل طور پر قدرتی رنگوں سے رنگے ہوئے  دھاگوں سے روایتی طریقوں سے تیار کیا جاتا ہے۔

 قارا تیپےقالین جو صدیوں پرانا ہے، مکمل طور پر اون کے دھاگوں سے بُنا جاتا ہے جو انار، پیاز اور دیودار کے درخت کی چھال، اخروٹ کے درخت کے پتے، سرسوں، بلوط، اولینڈر اور پوست جیسے پودوں سے حاصل کیے گئے رنگوں  سےبنا جاتا ہے۔ دھاگہ  توروس کے پہاڑوں میں پلنے والے چھوٹے مویشیوں کی اون سے حاصل کیا جاتا ہے۔  قارا تیپے  قالینوں کے کناروں پر ترکیہ کے روایتی نقش حاوی ہیں۔ فریم میں نقش ہیرے کے ٹکڑے، ستارے، سیڑھیاں، بالیاں، بھیڑیے کی پٹری اور زگ زیگ نقش   خاص ہیں۔

 کناروں پر چھوٹے نمونے اور زمین پر بڑے نقش ہیں دو طرفہ قالینوں کی سخت بنائی، جو "استار" نامی لومز پر ہاتھ سے بنائی جاتی ہے، اس بات کو یقینی بناتی ہے کہ وہ گندگی اور دھول کو برقرار نہ رکھیں۔  قارا تیپے  قالین جس کے بنُے ہوئے طول و عرض 1 مربع میٹر سے 6 مربع میٹر تک ہوتے ہیں جب گھر میں فرش پر بچھایا جاتا ہے تو اسے آرائش کے طور پر بھی استعمال کیا جاتا ہے۔