ترکی کا اُفق نو ۔ 23

حالیہ   ایام  میں ٹیلی ویژن چینلوں پر    پیٹرول  خریدنے  کے لیے قطاروں میں لگنے  والے فرانسیسیوں ،   عوام اور پو لیس کو آمنے سامنے لانے والے مظاہروں اور  جگہ جگہ پولیس کی سخت مداخلت    پر مبنی   واقعات  کا مشاہدہ  ہو رہا  ہے۔  شروع شروع میں  توانائی کے شعبے  میں  بعد ازاں    مواصلات اور رس و رسائل کے  شعبے  میں   ہڑتالوں کی بنا پر     مشکلات سے دو چار   فرانس  میں  کیا کچھ ہورہا  ہے  آئیے  اس پر ایک نظر  دوڑاتے ہیں۔

ان   واقعات اور  پیش رفت کو  صحیح  طریقے سے سمجھنے کے   لیے   رواں سال کے اوائل میں  اقتدار کی  سوشلسٹ پارٹی   کی جانب سے نکالے گئے  ایک قانون کا جائزہ لینا  ضروری ہے۔ یہ    محنت کشوں  کو  نوکریوں  سے فارغ کرنے میں آسانی لانے ،     آجروں  کی جانب سے  اوقاتِ کار میں اضافہ کرتے ہوئے    فاضل    کام کی اجرتوں میں کمی لا سکنے      ، یعنی  کم   معاوضے کے  ساتھ  زیادہ   لمبے   عرصے تک کام کرنے    پر مجبور کرنے پر مبنی   نیو لیبرل      محنت کش قانون ہے۔  حتی ٰ اس قانون کی   پارلیمان سے  منظوری لیے بغیر   حکومتی   اختیارات  کے ذریعے  نافذالعمل کیے جانے کے بعد   عوام  گلیوں، سڑکوں پر نکل آئے ہیں۔ تقریباً دو ماہ سے جاری  اور  5 لاکھ انسانوں کو  گلی کوچوں میں  نکلنے پر مجبور کرنے والی   ان کاروائیوں کے  ساتھ ساتھ اوپر تلے ہڑتال   کیے  جا نے نے ملک   کو مشکلات سے دو چار کیا ہے تو   یہ اطلاعات موصول ہو رہی ہیں کہ حکومت   اس ضمن میں  پیچھے قدم نہیں  ہٹائے گی،  جس کے باوجود  لیبر یونینز نے     مذکورہ قانون کو 8 جون  کو    سینٹ میں لائے   جانے  تک    حکومت پر  دباو  ڈالنے کا    فیصلہ کیا ہے۔ 

اولین  طور پر   یورو 2016    چمپین  شپ  قریب آرہی ہے تو    اندیشوں کے ساتھ جائزہ لی جانے والی ہڑتالیں ایک   جانب سے   سوشلسٹ اقتدار کی   محنت کشوں  کے بجائے    سرمایہ داری کی سرپرستی و حمایت   پر مبنی پالیسیوں  نے  یورپی   بائیں بازو   نظریات  کے حامل    حلقوں   میں  وسیع پیمانے کی بحث کھڑی کی ہے۔

اُوپر  خلاصے  کی شکل میں پیش   کردہ واقعات، ترکی میں گیزی     واقعات کی تیسری   سالانہ  یاد  کی مناسبت سے ترکی اور فرانس کا موازنہ کرتے ہوئے  تجزیات  کرنے  پر   مجبور کرتے  ہیں۔بیروزگاری کی    شرح میں اضافہ،  سیاسی سربراہان کی  مقبولیت میں  14   فیصد کی سطح تک کمی،   ایندھن  کو فی گاڑی  20 لیٹر تک محدود   کرنا،      ٹھوس    مشکلات سے   دو چار ملک کی بے چینی    کو  آشکار  کرتے ہیں، حتی ہم عام      شہری  ہونے ناطے  فرانسیسیوں سے    ہمدردی  کااظہار کرتے  ہوئے    ان کی صف میں شامل ہو سکتے ہیں۔  کئی  ہفتوں تک  غارت گری   کی حد تک  پھیلنے والے     تباہ کن مظاہروں کے ساتھ  متاثر ہونے والے  ،  مغربی اور ان کے مقامی    نمائندوں کی جانب سے   اشتعال  انگیز  طریقے سے     بیرونی  دنیا کی نظروں کی سامنے   پیش کیے جانے والے   گیزی  واقعات     اور مظاہروں کے عقب میں کیا کوئی ٹھوس    سبب موجود تھا؟

سن  2013 کے ماہ مئی کے معاشی   اعداد و شمار        پر   نظر ثانی کرتے ہیں،  اسوقت  ڈالر کی قیمت 1٫76 لیرے اور   شرح سود 4 تا 5 فیصد  کے درمیان تھی، اسی طرح  محنت کشوں اور سرکاری ملازمین  کے حقوق   میں اصلاحات لائی گئی تھیں،   عالمی  معاشی بحران  کے ماحول میں       ترکی    نے   تواتر سے شرح نمو کے ریکارڈز  توڑے  تھے۔  بیروزگاری کی شرح   اکائی   کے ہندسے تک گر چکی تھی، دہشت گردی کا قلع قمع کرنے  کے  لیے  ایک جمہوری   حل منصوبے کو عملی جامہ پہنایا جا رہا تھا۔   ان حالات میں    کسی ملک میں     عدم استحکام پیدا کرنے کی   کاروائیوں کو آیا کہ کس طرح بیان کیا جا سکتا  ہے؟گیزی   واقعات    ملک  کے امن و امان کو بگاڑنے     کا مقصد  رکھتے تھے۔  یاد   رہے کہ  اس دور کے نائب وزیر اعظم بلند آرنچ    نے     مظاہروں کے نمائندوں  کے   ساتھ   تقسیم    اتحادی  پلیٹ  فارم     کے  نام سے مذاکرات کرنے کو  قبول کرتے   ہوئے ان کے  مطالبات کو   بغور  سنا  تھا۔ کئی دنوں تک استنبول بلدیہ  عظمی کی عمارتوں  پر  قبضہ جمانے والے،  سرکاری  عمارتوں کو   وسیع پیمانے کا نقصان  پہنچانے والے   اور   کئی معصوم انسانوں کی جانیں جانے کا موجب بننے والے نام نہاد   ماحولیات   پسند      گروہوں کے ترجمان کی جانب سے  پیش کردہ   مطالبات      در اصل   ملک   کی وسیع  پیمانے  پر سرمایہ   کاری  اور  ترقیاتی منصوبوں  کو  ہدف بنا رہے تھے۔

سامعین  قونیا قاراتائے   یونیورسٹی  کے   شعبہ   اینتھرپالوجی و  سوشیالوجی کے پروفیسر ڈاکٹر    مظہر باعلی کا مندرجہ بالا موضوع پر  جائزہ  پیش خدمت ہے۔

گیزی    سرکشی کے    دوران ترکی اور    یورپ میں    ذرائع ابلاغ اور  سماجی میڈیا   پلیٹ فارمز   کا موقف کس نوعیت کا تھا؟   آج    فرانس    یا پھر یورپ کے کسی بھی ملک  میں     رونما  ہونے والے اسی قسم کے واقعات    کا     جائزہ لینے سے مغربی میڈیا    میں ان کی عکاسی    کے    دوغلے پن  کے مالک   ہونے   کا اندازہ   کرنے  کے  لیے آپ کا  جرنلسٹ   ہونا لازمی نہیں ہے۔

فرانس    میں          نسبتاً  حق بجانب مطالبات   میں   سر انجام  پانے  والے سماجی     رد عمل  اور فرانسیسی   سیکورٹی قوتوں   کی مداخلت کو خبروں میں  پیش کرنے سے گریز کیا جا رہا ہے،     تعداد کے اعتبار سے  میڈیا عناصر   میں  جگہ  پانے     اور گیزی  واقعات  کے   خلاف ان کے موقف    اور     اعداد وشمار    کے درمیان  خاصا فرق  پایا جاتا ہے۔ اسوقت  ترکی  میں  پیش آنے والے واقعات  کو بڑھا چڑھا کر بیان کیا جاتا تھا تو     فرانس میں پولیس  کے سخت گیر   اور انسانیت  خلاف  موقف   کے بارے میں  کوئی خاص کوریج     نہیں  دی جارہی ۔

فطری  طور پر ہمارے  صدر جناب رجب طیب ایردوان     اس  ضمن میں    اپنے خدشات کو زیر لب لا رہے  ہیں۔ جمہوریہ      ترکی کے صدر   یہ اندیشے        یورپ کے لیے گیزی    سرکشی          کے دوران اشتعال  انگیزی   کرنے والے یورپ سے بدلہ لینے کی سوچ  کے حامل ہو سکتے ہیں، تا ہم یہ ایک   صحیح  فعل  نہیں ہے۔   ترکی    دنیا بھر میں  عدم انصافیوں کے خلاف اپنی آوازیں بلند کرتا چلا آیا ہے، لہذا  وہ اس موضوع پر بھی اپنے    پہلے کی طرح کے موقف کا مظاہرہ کر رہا ہے۔

آخر  میں  ہمارے ملک   کے   معاشی و سماجی      ڈھانچے    میں     وسیع پیمانے    کی دراٹیں  پڑنے   اور   جمود    کا شکار  بننے کا  موجب بننے والے گیزی واقعات      کے عقب کی  سوشیالوجی میں    اقتدار    کو بیگانگی کا مظاہرہ نہیں کرنا چاہیے۔   حزب اختلاف کی کمزوری کی بنا  پر          اپنا  اظہار کرنے کے  لیے اس قسم    کی سرکشی کو    واحد  راستے کے طور پر دیکھنے والے  لا چار معاشروں سے بغلگیر  ہونا    چاہیے۔  اور ان کے  مناسب و موزوں مطالبات کو پورا کرنا چاہیے۔ 

مختصرا یہ کہا جا سکتا  ہے کہ    مغربی میڈیا کو  فرانسیسی  عوام کے جائز مطالبات  کی غیر جانبدار  طریقے سے   دنیا  بھر کے سامنے  عکاسی کرنی چاہیے۔