روس کی گیس برآمدات میں 40 فیصد کمی، امریکہ سے ایل این جی کی ریکارڈ خرید

روس  کی، بذریعہ پائپ لائن، یورپی یونین ممالک اور برطانیہ کے لئے گیس برآمدات کی مقدار، رواں سال کے پہلے 7 مہینوں میں گذشتہ سال کے اسی دورانیے کے مقابلے میں تقریباً 40 فیصد کم ہو گئی ہے۔

امریکہ کے محکمہ انرجی انفارمیشن کے جاری کردہ بیان کے مطابق روس نے 2016 سے 2020کے درمیان بذریعہ پائپ لائن یورپی یونین کے رکن ممالک اور برطانیہ کو جو گیس فراہم کی وہ ان ممالک کی مجموعی طلب کا صرف ایک تہائی ہے۔

بیان کے مطابق رواں سال کے پہلے 7 ماہ میں روس کی طرف سے بذریعہ پائپ لائن مذکورہ ممالک کو فراہم کی گئی قدرتی گیس گذشتہ سال کے اسی دورانیے کے مقابلے میں تقریباً 40 فیصد کمی کے ساتھ یومیہ 1،2 بلین کیوبک  فِٹ  تک گر گئی ہے۔ اس طرح گیس کی برآمد حالیہ 40 سالوں کی کم ترین سطح پر آ گئی ہے۔

روس کی طرف سے  قدرتی گیس کی برآمدات میں کمی کی تلافی کے لئے یورپی یونین کے رکن ممالک اور برطانیہ نے امریکہ سے ریکارڈ مقدار میں لیکوِڈ قدرتی گیسLNG درآمد کرنا شروع کر دی ہے۔