ترکی سے برآمداتی مال گاڑی چین کے لئے روانہ ہو گئی

ترکی سے چین کے لئے برآمداتی مال گاڑی کو ضلع قارس سے جارجیا روانہ کر دیا گیا ہے۔

بورون معدن سے لدی  ٹرین کو کل انقرہ سے تقریب کے ساتھ چین کے لئے روانہ کیا گیا۔

یہ برآمداتی مال گاڑی اندرونِ ملک مختلف اضلاع سے ہوتی ہوئی قارس پہنچی  جہاں سے اسے جارجیا کے لئے روانہ کر دیا گیا ہے۔

ٹرین 42 کنٹینروں پر مشتمل بورون معدن کو 2 براعظموں،  2سمندروں اور  5ممالک سے گزرنے کے بعدچین کے شہر شیان پہنچائے گی ۔

ٹرین کُل 8 ہزار 693 کلو میٹر فاصلہ طے کرنے کے بعد اپنی منزل پر پہنچے گی۔