ٹرکش کارگو کے ذریعے تازہ سبزیوں اور پھلوں کی برآمد کی جائے گی
رواں سال 35 مقامات کے لئے 20 ہزار ٹن کے قریب تازہ سبزیاں اور پھل برآمد کرنے کا ہدف قائم کیا گیا ہے
ترک تازہ پھلوں اور سبزیوں کے برآمد کنندگان اور ٹرکش ائیر لائن کی کارگو کمپنی ٹرکش کارگو کے درمیان سمجھوتہ طے پانے کے بعد رس بھری پھل سے تازہ پھلوں اور سبزیوں کی فضائی برآمد کا سلسلہ شروع ہو جائے گا۔
اطلاع کے مطابق ٹرکش کارگو کے حکام ، ترکی برآمد کنندگان اسمبلی MIT اور ایجئین تازہ پھلوں اور سبزیوں کے برآمد کنندگان کی یونین کے اراکین کے درمیان ضلع ازمیر میں اجلاس ہوا۔
مذاکرات میں برآمد کنندگان نے سالانہ ایک لاکھ 72 ہزار ٹن تازہ سبزیوں اور پھلوں کو فضائی کارگو کے ذریعے برآمد کرنے کی خواہش کا اظہار کیا۔
برآمد کنندگان نے ٹرکش کارگو سے صلاحیت اور مراکز میں اضافہ کرنے اور کارگو کی مالیت کو 30 سے 50 فیصد کے درمیان کم کرنے کا مطالبہ کیا۔
مذاکرات کے بعد کارگو کی منزل کے مطابق قیمتوں میں کمی کرنے اور طیارے کی صلاحیت میں اضافہ کرنے کے موضوع پر سمجھوتہ طے پا گیا ہے۔
سمجھوتے کی رُو سے رواں سال 35 مقامات کے لئے 20 ہزار ٹن کے قریب تازہ سبزیاں اور پھل برآمد کرنے کا ہدف قائم کیا گیا ہے۔
متعللقہ خبریں
وزیر خزانہ کے برطانوی چیتھم ہاؤس میں ترک معیشت پر جائزے
ترکیہ کی قوتِ خرید کی برابری کے اعتبار سے دنیا کی 11ویں بڑی معیشت ہے