ٹرمپ کی زیر صدارت امریکہ جرمن اقتصادیات کو متاثر کر سکتا ہے

امریکہ کے صدارتی انتخابات میں غیر متوقع  صورت میں ڈونلڈ ٹرمپ کی کامیابی پر جرمنی میں اندیشوں کا اظہار کیا جا رہا ہے اور ملک میں ڈونلڈ ٹرمپ کی زیرِ  صدارت  امریکہ کے ساتھ اقتصادی تعلقات کا موضوع بحث بنا ہوا ہے۔

ماہرین کا کہنا ہے کہ ٹرمپ کے انتہا پسندانہ روّیے کے جاری رہنے کی صورت میں اور انتخابی مہم کے دوران جن پالیسیوں کا انہوں نے ذکر کیا تھا ان کے اطلاق کی صورت میں جرمنی کی اقتصادیات اور خارجہ پالیسی اس سے متاثر ہو سکتی ہے۔

واضح رہے کہ اس وقت تقریباً 6 لاکھ 30 ہزار جرمن مزدور  امریکی فرموں کی طرف سے منتخب کمپنیوں میں کام کر رہے ہیں، اسی طرح جرمنی میں کُل 1.5 ملین سے زیادہ روزگار امریکہ کے ساتھ موجود تجارت سے منسلک ہے۔

بین الاقوامی مالیاتی اداروں کے ماہرین کا خیال ہے کہ اگر ٹرمپ انتخابی مہم میں پیش کردہ پالیسیوں کا اطلاق کرتے ہیں تو اس سے جرمن اقتصادیات ا ور خارجہ تجارت متاثر ہونے کا اندیشہ ہے۔