کرغزستان یوریشیا اقتصادی تنظیم میں شامل

کرغزستان گزشتہ سال گیس کے شدید بحران کی وجہ سے مشکلات کا شکار تھا لیکن سالِ نو کے آغاز سے اُس کی یہ پریشانی دور ہو گئی ہے ۔
کرغزستان یکم جنوری سے یوریشیا اقتصادی تنظیم کا رکن بن گیا ہے جس کے بعد اسے روس اور قازقستان سے گیس کی فراہمی شروع کر دی گئی ہے۔
گزشتہ سال ماسکو میں طے ہونے والے معاہدے کی رو سے اس سال یکم مئی کو کرغزستان یوریشیا کسٹم یونین میں بھی شامل ہو جائے گا۔
کرغز گیس کی روسی گیس پروم کو فروخت کے بعد اوزبکستان نے جنوبی کرغزستان کو گیس کی فراہمی بطور احتجاج بند کر دی تھی ۔
بعد ازاں گیس پروم اور اوزبک حکام کے درمیان مفاہمت کے نتیجے میں کرغزستان کو گیس کی فراہمی گزشتہ تیس دسمبر کو بحال کر دی گئی تھی ۔