پاکستان بحران کے طوفان میں جھکڑا  ہوا ہے: بلاول بھٹو

پاکستان کے وزیر خارجہ بلاول بھٹو زرداری نے کہا ہے کہ ان کا ملک "بحران کے طوفان میں جھکڑا  ہوا ہے۔ "

ایسوسی ایٹڈ پریس کے ساتھ ایک انٹرویو میں، بلاول بھٹو  نے کہا کہ بین الاقوامی مالیاتی فنڈ (آئی ایم ایف) پاکستان کے ساتھ انصاف سے کام نہیں لے رہی ہے  جبکہ  مغرب کے  افغانستان سے انخلا کرنے کے بعد  سے ایک لاکھ  نئے  پناہ گزین پاکستان آئے ہیں اور پاکستان میں دہشت گردی کے واقعات میں اضافہ ہوا ہے۔

انہوں نے کہا کہ  پاکستان آئی ایم ایف کے گزشتہ 23 پروگراموں کا حصہ ہے اور  ڈھانچہ جاتی ٹیکس اصلاحات کو انجام دینے (2022 میں سیلاب)  اور موسمیاتی  تباہی کی وجہ سے   مشکلات سے دوچار ہے۔ کیا اس وقت  ان حالات میں ٹیکس پالیسی اور ٹیکس وصولی میں معمولی خامیوں کی نشاندی کرنے کی ضرورت ہے؟

انہوں نے کہا کہ  حکومت کو کم آمدنی والے لوگوں کی مدد کے لیے رقم کی ضرورت ہے جن کے مکانات اور زمینیں سیلاب میں پانی کی نذر  ہوچکی ہیں۔ انہوں نے کہا کہ  آئی ایم ایف نے مذاکرات کو آئندہ جاری رکھنے کا عندیہ دیا ہے۔

بلاول بھٹو نے اقتصادی بحران، گزشتہ سال سیلاب کی تباہی کے نتائج اور دہشت گردی کے مسئلے کا ذکر کرتے ہوئے کہا کہ ان کا ملک ’’بحران کے طوفان میں جھکڑا ہوا ہے۔ "

انہوں نے کہا کہ  پاکستان کو اپنے ہمسایوں کے ساتھ سفارتی محاذ پر مسائل کا سامنا ہے،بلاول بھٹو  نے بھارت کے ساتھ دوطرفہ مسائل، افغانستان میں دہائیوں پرانے تنازعات اور المیے اور پابندیوں کی وجہ سے ایران کے ساتھ تجارت میں خلل کی طرف اشارہ  کرتے ہوئے کہا کہ

ایران سے پاکستان تک قدرتی گیس پائپ لائن کو عام حالات میں مکمل کیا جانا چاہیے تھا  لیکن  بدقسمتی سے، جغرافیائی سیاسی مشکلات کی وجہ سے مستقبل قریب میں ایسا ہوتے ہوئے دکھائی نہیں دیتا ہے۔