امریکی صدر کے جوہری ہتھیاروں سے متعلق بیانات بے بنیاد ہیں، خرم دستگیر
پاکستان کا ایٹمی پروگرام کمانڈ اینڈ کنٹرول سسٹم کے تحت محفوظ ہے
1893212
پاکستان کے وفاقی وزیر توانائی خرم دستگیر کا کہنا ہے کہ پاکستان کے ایٹمی پروگرام پرامریکی صدر کا بیان بے بنیاد ہے۔
خرم دستگیر نے پریس کانفرنس میں امریکی صدر جو بائیڈن کے پاکستانی جوہری پروگرام سے متعلق بیان پر ردعمل کا مظاہرہ کرتے ہوئے کہا ہے کہ امریکی صدر کا بیان بے بنیاد ہے۔ پاکستان کا ایٹمی پروگرام کمانڈ اینڈ کنٹرول سسٹم کے تحت محفوظ ہے۔ عالمی ایجنسیاں بار ہا اس چیز کی تصدیق کرچکی ہیں۔
انہوں نے مزید کہا کہ پاکستان کے ایٹمی پروگرام مکمل طور پر تحفظ میں اور بین الاقوامی معیار کے مطابق ہے۔ اس بارے میں صدر جو بائیڈن کا بیان بے بنیاد اور حقائق کے منافی ہے۔