قطر ایئرویز کے طیارے کی کراچی میں ہنگامی لینڈنگ

بھارت کے دارالحکومت نئی دہلی سے ٹیک آف کرنے والے قطر ایئرویز کے طیارے  کے  کارگو والے حصے  میں  دھواں نکلنے کے بعد  طیارے نے پاکستان کے شہر کراچی میں ہنگامی لینڈنگ کی ہے۔

مسافر طیارہ QR-579، جو نئی دہلی کے انٹرنیشنل ایئرپورٹ سے قطر کے دارالحکومت دوحہ کے لیے روانہ ہوا تھا، پائلٹس کو کارگو ایریا سے دھویں کا اشارہ ملنے پر 283 مسافروں اور عملے کے 12 افراد کے ساتھ کراچی ایئرپورٹ پر ہنگامی لینڈنگ کی  ہے۔

ایئرپورٹ حکام کی جانب سے جاری بیان میں کہا گیا ہے کہ طیارے میں فنی خرابی پیدا ہوگئی تھی۔

حکام نے بتایا کہ طیارہ بحفاظت لینڈ کر گیا اور مسافروں کو لاؤنج میں بھیج دیا گیا۔

قطر ایئرویز نے اعلان کیا کہ صورتحال قابو میں ہے اور وہ مسافروں کے لیے دوحہ جانے کے لیے اضافی پروازوں کا انتظام کرے گی۔