پندرہ مارچ اسلامو فوبیا کے خلاف عالمی دن قرار دینا وزیراعظم کی کاوشوں کا نتیجہ ہے: وزیر خارجہ قریشی
جمعرات کو ایک بیان میں، انہوں نے اس سلسلے میں سفیر منیر اکرم اور وزارت خارجہ کی کوششوں کو تسلیم کرنے پر وزیر اعظم عمران خان کا شکریہ ادا کیا
1797579
وزیر خارجہ شاہ محمود قریشی نے کہا ہے کہ اقوام متحدہ کی جانب سے پندرہ مارچ کو اسلامو فوبیا کے خلاف عالمی دن قرار دینا وزیراعظم عمران خان کی کاوشوں کا نتیجہ ہے۔
جمعرات کو ایک بیان میں، انہوں نے اس سلسلے میں سفیر منیر اکرم اور وزارت خارجہ کی کوششوں کو تسلیم کرنے پر وزیر اعظم عمران خان کا شکریہ ادا کیا۔ملک کی موجودہ سیاسی صورتحال پر تبصرہ کرتے ہوئے انہوں نے الیکشن کمیشن آف پاکستان سے ہارس ٹریڈنگ کا نوٹس لینے کا مطالبہ کیا۔ انہوں نے کہا کہ اپوزیشن وزیراعظم عمران خان کے خلاف تحریک عدم اعتماد میں ہارس ٹریڈنگ کو کھلے دل سے قبول کر رہی ہے۔