بھارتی فوجی کی بلا اشتعال فائرنگ،2 معمر پاکستانی ہلاک

بھارتی فوج کی لائن آف کنٹرول پر گولہ باری کے نتیجے میں 2 معمر شہری شہید ہوگئے جبکہ پاک فوج کی جوابی کارروائی میں دو بھارتی فوجیوں کو ہلاک کردیا گیا۔

پاک فوج کے شعبہ تعلقات عامہ کے مطابق، بھارتی فوج نے ایک بار پھر لائن آف کنٹرول کی خلاف ورزی کرتے ہوئے شہری آبادی کو  نشانہ بنایا جس کے  نتیجے میں 61 سالہ حسن دین اور 75 سالہ لعل محمد شہید ہوگئے۔

پاک فوج نے بھارت  کو  بھرپور جواب دیتے ہوئے جوابی کارروائی کی جس کے نتیجے میں دو بھارتی فوجیوں کی ہلاکت اور متعدد فوجیوں کے زخمی ہونے کی اطلاعات ہیں جبکہ جوابی کارروائی میں بھارتی چوکیوں کو بھی نقصان پہنچا۔

واضح رہے کہ سرحد  پر بھارتی فوج  کی مسلسل اشتعال انگیزی کی وجہ سے اب تک کئی  فوجی جوان اور  عام شہری شہید اور درجنوں زخمی ہوچکے ہیں۔