وزیر اعظم عمران خان وفاقی وزراء کے ہمراہ جی ایچ کیو پہنچ گئے

پاکستان کے وزیر اعظم عمران خان نے وفاقی وزراء کے ہمراہ جی ایچ کیو کا دورہ کیا۔

پاک فوج کے شعبہ تعلقات عامہ آئی ایس پی آر کے مطابق وزیر اعظم عمران خان کے جی ایچ کیو پہنچنے پر آرمی چیف جنرل قمر جاوید باجوہ نے وزیر اعظم کا استقبال کیا۔

آئی ایس پی آر کے مطابق وزیر خارجہ شاہ محمود قریشی، وزیر دفاع پرویز خٹک، وزیر خزانہ اسد عمر، وزیر اطلاعات فواد چودھری اور وزیر داخلہ بھی ان کے ہمراہ تھے۔

بیان کے مطابق جی ایچ کیو میں وزیر اعظم کو داخلی سلامتی  اور پیشہ وارانہ امور پر بریفنگ دی گئی۔