افغانستان کی طرف سے پاکستان کی چیک پوسٹوں پر حملہ

افغانستان کی سرحد کی طرف سے پاکستان کے علاقوں باجوڑ اور قمر الدین کی چیک پوسٹوں پر حملہ کیا گیا جس کے نتیجے میں ایف سی کے 4 اور پاک فوج کا ایک جوان زخمی ہو گیا ہے۔

پاک فوج کی طرف سے جوابی کاروائی  میں 6 دہشت گرد ہلاک اور متعدد زخمی ہو گئے ہیں۔

آئی ایس پی آر کے مطابق پاک افغان سرحد پر باڑ لگانے کا کام معمول کے مطابق جاری تھا کہ افغانستان کے سرحدی علاقے کی طرف سے پاکستان کی چیک پوسٹوں کو نشانہ بنایا گیا اور  باجوڑ اور بلوچستان کے علاقے قمر الدین میں دہشت گردوں نے فائرنگ کی۔

آئی ایس پی آر کے مطابق حملے میں ایف سی کے 4 اور پاک فوج کا ایک جوان زخمی ہو گیا ہے جبکہ جوابی کاروائی میں 6 دہشت گرد ہلاک اور متعدد زخمی ہو گئے ہیں۔

پاک فوج کا کہنا ہے کہ   باڑ لگانے والی ٹیموں پر حملے میں دہشتگردوں کو افغانستان کی معاونت حاصل تھی۔