بلاول کا عمران خان کوکھلا چیلنج، کراچی میں انتخابات میں حصہ لے کر دیکھ، کیسے ضمانت ضبط کرواتا ہوں
بلاول بھٹو کا کہنا تھا کہ آج بھی کراچی پرایک سیاسی پارٹی کا قبضہ ہے اور کراچی کے بلدیاتی ادارے ایک مخصوص جماعت کے پاس ہیں جو آپس میں لڑرہے ہیں جب کہ وہ خود کام کررہے ہیں اور نہ کسی اور کو کرنے دے رہے ہیں
چیئرمین پیپلز پارٹی بلاول بھٹو زرداری نے عمران خان کو چیلنج دیتے ہوئے کہا کہ وہ سندھ آئیں اور کراچی سے انتخاب لڑیں انہیں عبرتناک شکست دیں گے۔
بلاول بھٹو کا کہنا تھا کہ آج بھی کراچی پرایک سیاسی پارٹی کا قبضہ ہے اور کراچی کے بلدیاتی ادارے ایک مخصوص جماعت کے پاس ہیں جو آپس میں لڑرہے ہیں جب کہ وہ خود کام کررہے ہیں اور نہ کسی اور کو کرنے دے رہے ہیں۔
بلاول بھٹو زرداری کا کہنا تھا کہ ہم نے کراچی میں بہت منصوبے شروع کئے ، چاہتا ہوں کہ کراچی کےعوام صرف پیپلز پارٹی کو ووٹ دیں ہم کراچی کو تبدیل کردیں گے۔
انہوں نے عمران خان کو چیلنج ہے کہ وہ سندھ آئیں اور کراچی سے الیکشن لڑیں انہیں عبرتناک شکست دیں گے جب کہ پاکستان پیپلزپارٹی اس بار نہ صرف سندھ بلکہ وفاق سے بھی الیکشن جیتے گی۔
چیئرمین پیپلز پارٹی نے کہا کہ تھرکول منصوبے کو دیکھ کر لگتا ہے کہ سب سے زیادہ تبدیلی تھر میں آئی ہے لیکن سیاستدانوں اور میڈیا نے تھر کے عوام کو حقوق نہ دے کر زیادتی کی اور تھر میں جو انقلاب آیا اس سے عوام کو آگاہ نہیں کیا گیا، تھر میں بجلی پیدا ہورہی ہیں، تھر معیشت میں بڑا حصہ ڈال رہا ہے جب کہ خیبرپختونخواہ اور پنچاب میں ایسا کوئی منصوبہ نہیں جیسا تھر میں منصوبہ چل رہا ہے۔
