شیر کا دل رکھنے والے ہی بے دھڑک اپنا احتساب پیش کر سکتے ہیں، مریم نواز
وزیر اعظم پاکستان نواز شریف کی صاحبزادی نے پاناما لیکس کے حوالے سے ان پر عائد کردہ الزامات کا بڑے دھڑکے سے جواب دیا ہے
646330
پاکستانی وزیراعظم نوازشریف کی صاحبزادی مریم نواز کا کہنا ہے کہ پاکستان کے کسی بھی سیاسی کنبے نے خود کو کبھی احتساب کے لیے پیش نہیں کیا، محض شیر کا دل رکھنے والے ہی اپنی تین نسلیں احتساب کے لئے پیش کرسکتے ہیں۔
سماجی رابطے کی ویب سائٹ ٹوئٹرپراپنی ٹوئٹ میں مریم نواز کا کہنا تھا کہ کسی اورسیاسی خاندان نے کبھی نہ تو خود کو احتساب کے لئے پیش کیا اور نہ ہی اپنے اثاثے ظاہر کئے تاہم شریف خاندان نے خود کو احتساب کے لئے پیش کرتے ہوئے اپنے اثاثوں اور جائیداد کی تفصیلات فراہم کیں۔