وزیراعظم نواز شریف عالمی رہنماؤں کو مقبوضہ کشمیر میں جاری بھارتی مظالم  سےآگاہ کریں گے

وزیراعظم نواز شریف عالمی رہنماؤں کو مقبوضہ کشمیر میں جاری بھارتی مظالم   سےآگاہ کریں گے

وزیراعظم نوازشریف کل انتہائی اہم دورے پر امریکا جا رہے ہیں جہاں وہ اقوام متحدہ کی جنرل اسمبلی کے اجلاس میں اقوام  متحدہ کو مقبوضہ کشمیر میں جاری بھارتی مظالم کے حوالے سے آگاہ کریں گے۔

 وزیراعظم نواز شریف کی دورہ امریکا میں عالمی رہنماؤں سے ملاقاتیں بھی متوقع ہیں جس کے دوران وہ کشمیرمیں جاری بھارتی مظالم، بھارت کی پاکستان میں مداخلت اور پاک چین اقتصادی راہداری سمیت دیگر امور پر تبادلہ خیال کریں گے۔

نیویارک پہنچتے ہی وزیراعظم امریکی وزیر خارجہ جان کیری سے ملاقات کریں گے جس میں مقبوضہ کشمیر سمیت افغانستان کی صورتحال پر بات کی جائے گی۔ جان کیری سے ملاقات کے بعدوہ  ترکی کے  صدر رجب طیب ایردوان سے بھی  ملاقات کریں گے جس میں دونوں رہنما نہ صرف ترکی میں ناکام بغاوت کے بعد کی صورتحال پر تبادلہ خیال کریں گے بلکہ فتح اللہ گولن کی ترکی کو حوالگی اور پاکستان میں گولن تحریک کے تحت چلنے والے اسکولوں کا معاملہ بھی زیر غور آئے گا۔