معاشی صورتحال کی بہتری کیلئے حکومت کے دلیرانہ فیصلے

وزیراعظم نوازشریف نے کہا ہے کہ جب ہم نے حکومت سنبھالی تھی تو ملک دیوالیہ ہونے کے قریب تھا تاہم حکومت نے معاشی صورتحال کی بہتری کے لیے دلیرانہ اور اہم فیصلے کیے۔

اسلام آباد میں وزیراعظم نوازشریف سے صنعت کاروں اور تاجروں کے وفد نے ملاقات کی جس میں صنعت کاروں اور تاجروں نے وزیراعظم کی قیادت میں معاشی بہتری کے اقدامات پر اطمینان کا اظہار کیا۔ تاجروں نے کہا کہ ملک میں گزشتہ ڈھائی سال میں امن و امان کی صورتحال میں بہتری آئی ہے جب کہ تاجر پاکستان کے مختلف اقتصادی شعبوں میں سرمایہ کاری کو ترجیح دے رہے ہیں۔

اس موقع پر وزیراعظم نوازشریف نے بھی اس طرف توجہدلائی کہ جب حکومت ملی تو ملک دیوالیہ ہونے جارہا تھا، ملک میں توانائی، سیکیورٹی اور معیشت کے مسائل تھے تاہم موجودہ حکومت نے معاشی صورتحال کی بہتری کیلیے دلیرانہ اور اہم فیصلے کیے۔