غزہ کے مغرب میں امدادی سامان کی منتقلی کے دوران سیکڑوں افراد کی ہلاکت پراقوام متحدہ کا اظہار افسوس

اقوام متحدہ  نے  اسرائیلی حملے کے نتیجے میں غزہ کے مغرب میں امدادی سامان کی منتقلی کے دوران سیکڑوں افراد کی ہلاکت اور زخمی ہونے پر اپنے گہرے افسوس کا اظہار کیا ہے۔

اقوام متحدہ کے انڈر سیکرٹری جنرل برائے انسانی امور اور ایمرجنسی ریلیف کوآرڈینیٹر مارٹن گریفتھس،  نے اپنے تحریری بیان میں کہا ہے کہ  مجھے  مغربی غزہ میں امدادی سامان کی منتقلی کے دوران سینکڑوں افراد ہلاک اور زخمی  ہونے پر   گہرا دکھ پہنچا ہے۔

انہوں نے کہا کہ  غزہ میں انسانی زندگیوں کا نام  و نشان مٹ رہا ہے ، "تقریبا پانچ ماہ کی وحشیانہ دشمنی کے بعد بھی،اسرائیل   ابھی بھی  زندہ بچ جانے والے غزہ کے انسانوں  کو نشانہ بنا رہا ہے۔