غزہ میں فی الفور جنگ بندی بل پر امریکی ویٹو پر حماس کا سخت رد عمل
متحدہ عرب امارات اور ترکیہ سمیت 90 سے زائد ممالک کی مشترکہ آواز میں غزہ میں فوری انسانی بنیادوں پر جنگ بندی کا مطالبہ کرنے والی قرارداد کے مسودے پر کل منعقدہ ہنگامی اجلاس میں ووٹنگ کی گئی تھی
فلسطین کی مزاحمتی تحریک حماس نے اقوام متحدہ کی سلامتی کونسل میں کو غزہ میں انسانی اسباب کے ساتھ فوری جنگ بندی مسودہ قرار داد پر ویٹو کو " اسرائیل کے فلسطینی عوام کے قتل عام میں براہ راست شراکت" قرار دیا ہے۔
حماس کے پولیٹیکل بیورو کے رکن عزت الرشق نے غزہ میں فوری انسانی بنیادوں پر جنگ بندی کی درخواست کرنے والی مسودہ قرارداد پر اقوام متحدہ کی سلامتی کونسل میں امریکی ویٹو کے حوالے سے اپنے ٹیلی گرام اکاؤنٹ پر ایک تحریری بیان دیا۔
عزت الرشق نے غزہ میں جنگ بندی کا مطالبہ کرنے والی مسودہ قرارداد کے خلاف واشنگٹن کی جانب سے ویٹو کے استعمال کی شدید مذمت کرتے ہوئے کہا کہ"ہم سمجھتے ہیں کہ یہ ایک غیر اخلاقی اور غیر انسانی رویہ ہے۔ امریکہ کی طرف سے جنگ بندی کے فیصلے میں رکاوٹ قابض اسرائیل کے ہاتھوں ہمارے لوگوں کے قتل میں براہ راست شرکت اور مزید قتل عام اور نسل کشی کی ایک سر اسر اپیل ہے۔"
متحدہ عرب امارات اور ترکیہ سمیت 90 سے زائد ممالک کی مشترکہ آواز میں غزہ میں فوری انسانی بنیادوں پر جنگ بندی کا مطالبہ کرنے والی قرارداد کے مسودے پر کل منعقدہ ہنگامی اجلاس میں ووٹنگ کی گئی۔
اس بل کو مستقل رکن امریکہ نے ویٹو کر دیا، برطانیہ نے "غیر جانبداری" اور دیگر 13 اراکین نے "ہاں" میں ووٹ دیا۔
اس بل میں فوری طور پر انسانی بنیادوں پر جنگ بندی کا مطالبہ کیا گیا اور تمام فریقین سے مطالبہ کیا گیا کہ وہ خاص طور پر شہریوں کے تحفظ میں بین الاقوامی قانون کے تحت اپنی ذمہ داریاں پوری کریں ۔
قرارداد کے مسودے میں تمام اسیروں کی فوری اور غیر مشروط رہائی اور انسانی امداد تک رسائی کا مطالبہ کیا گیا تھا۔
