شام میں امریکی اڈے پر زخمی ہونے والے امریکی فوجیوں کا عراق میں علاج معالجہ
حملے میں زخمی ہونے والے 6 فوجیوں کی حالت مستحکم ہے اور 2 فرائض کو لوٹ چکے ہیں
بتایا گیا ہے کہ شام میں ایران کے حمایت یافتہ غیر ملکی دہشت گرد گروہوں کے امریکی اڈوں پر حملوں میں زخمی ہونے والے امریکی فوجیوں کا عراق کے دارالحکومت بغداد اور عربیل میں علاج معالجہ کیا گیا۔
امریکی سینٹرل کمانڈ (سینٹ کام) کے ترجمان ابیگیل ہیماک نے روڈا ٹیلی ویژن چینل کو بتایا کہ حملے میں زخمی ہونے والے 6 فوجیوں کی حالت مستحکم ہے اور 2 فرائض کو لوٹ چکے ہیں۔
1 زخمی فوجی اور معاہدے پر کام کرنے والے اہلکار عراق کے دارالحکومت بغداد اور دیگر 2 زخمی فوجیوں کا عربیل میں علاج کیے جانے کا ذکر کرنے والے ہیمک نے بتایا کہ بغداد میں زیر علاج افراد کو جلد ہی امریکہ بھیجا جائے گا۔
ان کا کہنا تھا کہ یہ حملہ ایرانی حمایت یافتہ گروہوں نے کیا تھا۔
دوسری جانب امریکی جنگی طیاروں نے مشرقی شام کے صوبہ دیر الزور اور اس کے ماتحت الابوکمال اور میادین اضلاع میں ایران کے حمایت یافتہ غیر ملکی دہشت گرد گروہوں کے فوجی ٹھکانوں پر فضائی حملے کیے۔
امریکی صدر جو بائیڈن نے زور دیتے ہوئے کہا ہے کہ وہ ایران کے ساتھ تنازعات نہیں چاہتے بلکہ اس کے باوجود امریکی عوام کی حفاظت کریں گے۔
