ایران میں مسافر ٹرین کو حادثہ، کم ازکم 17 افراد جان بحق
آج صبح مشہد سے یزد کا سفر کرنے والی ٹرین کی 4 بوگیاں طباس سٹاپ کے جوار میں پٹری سے اتر گئیں
1839507
ایران میں مشہد۔یزد کا سفر کرنے والی مسافر بردار ٹرین کے پٹری سے اترنے کے باعث ابتدائی معلومات کے مطابق 17 افراد ہلاک ہو گئے۔
ایرانی طلبا کی خبر ایجنسی اصناء کی خبر کے مطابق طباس کے گورنر علی اکبر رحیمی نے بتایا ہے کہ آج صبح مشہد سے یزد کا سفر کرنے والی ٹرین کی 4 بوگیاں طباس سٹاپ کے جوار میں پٹری سے اتر گئیں۔
انہوں نے بتایا کہ حادثے کے فوراً بعد ہلال احمر، ہنگامی صورتحال اور ریلوے کی امدادی ٹیمیں جائے وقوعہ پر پہنچ گئیں ، ابتدائی معلومات کے مطابق 420 مسافر سوار ہونے والی ٹرین کے 17 مسافر جان بحق جبکہ 30 زخمی ہو گئے ہیں جن میں سے 5 کی حالت تشویش ناک ہے۔
رحیمی نے مزید کہا کہ جائے حادثہ کو 12 ایمرجنسی گاڑیوں سمیت 3 ہیلی کاپٹر وں کو بھی روانہ کیا گیا ہے۔
