لیبیا: سیاسی حلقوں کی طرف سے ردعمل، وزیر اعظم کی اپیل: اپنی ذمہ داریوں کا احساس کریں

لیبیا میں سیاسی و فوجی محکموں نے قابض جرنیل خلیفہ حفتر کو بھی  صدارتی انتخابات میں امیدواری کی اجازت دینے پر مبنی آئینی بنیاد کی منظوری کے خلاف ردعمل کا اظہار کیا ہے۔

اطلاع کے مطابق 28 جون سے 3 جولائی تک سوٹزرلینڈ میں منعقدہ اجلاس میں لیبیا سیاسی ڈائیلاگ فورم کے اراکین کے درمیان    آئینی بنیاد کے موضوع پر مفاہمت نہ ہونے کا اعلان کئے جانے کے بعد لیبیا سرکاری اعلیٰ کونسل  کے سربراہ خالد المشری نے اپنے فیس بک پیج سے بیان جاری کیا۔

بیان میں مشری نے  خلیفہ حفتر کو مخاطب کرتے ہوئے کہا ہے کہ "فوجی یونیفارم کو اتارو، امریکی شہریت کو ختم کرو، جنگی جرائم کے بارے میں قانونی حیثیت کو ٹھیک کرو۔ لیکن اس کے باوجود جیسے تم ایمونیشن کے بکسوں کے ساتھ ناکام ہوئے ہو اسی طرح بیلٹ بکسوں میں بھی ناکام رہو گے۔

مغربی طرابلس  فورس نے جاری کردہ بیان میں کہا ہے کہ لیبیا کے شہریوں کی خون ریزی کا سبب بننے اور ملک کی منتخب انتظامیہ پر حملے کے جرات کرنے والے کسی شخص کی امیدواری کی اجازت دینے  والی کسی بھی قسم کی تجویز اور اسکے نتائج کو ہم مکمل طور پر مسترد کرتے ہیں۔

دوسری طرف لیبیا کے وزیر اعظم عبدالحمید دبیبہ نے ٹویٹر سے جاری کردہ بیان میں اقوام متحدہ  کے وفد اور ملک کے تمام  قومی فریقین سے اپیل کی اور کہا ہے کہ اپنی ذمہ داریوں کا احساس کریں اور عمومی عوامی مفادات کو  پیش نظر رکھیں۔

دبیبہ نے کہا ہے کہ انتخابات کے طے شدہ تاریخ  پر انعقاد  کے لئے ہر طرح کی مفاہمت کا مظاہرہ کیا جائے۔