یمن:حوثیوں نے قیامت مچادی،2 خاندانوں کے درجنوں افراد کو قتل کر دیا

یمن میں ایران نواز حوثی ملیشیا نے صوبہ الحجۃ کے شمالی مغربی علاقے کشر میں حجور قبائل کے خلاف لڑائی کے دوران دو خاندانوں کے 40 سے زائد افراد کو قتل اور زخمی کردیا ہے۔

 مقتولین میں  کثیر تعداد میں خواتین اور بچے بھی شامل ہیں۔

خبر  کے مطابق، حوثی باغیوں نے کشر میں وحشیانہ حملے میں الھادی خاندان کی 12 خواتین سمیت متعدد افراد کو قتل کردیا جب کہ حدب خاندان کی 8 خواتین قتل کردی گئی ہیں۔

ذرائع کا کہنا ہے کہ مقتولین میں ایک ماہ سے 13 سال کے درمیان کی عمر کےکئی بچے بھی شامل ہیں۔

ذرائع کا کہنا ہے کہ حوثیوں کی ظرف سے حجور قبیلے کے افراد کی وحشیانہ  کاروائیاں جاری ہے۔ باغیوں نے قبیلے کے عمر رسیدہ افراد، خواتین اور بچوں سمیت سینکڑوں کو اغوا کرلیا ہے۔

 باغیوں کی طرف سے حراست میں لیے گئے شہریوں کو اسکولوں میں منتقل کرنے کے بعد ایک بڑی جیل میں ڈال دیا گیا ہے۔

حوثی باغیوں کی طرف سے گزشتہ جمعرات سے کے روز سے کشر میں جاری وحشیانہ کارروائی میں شہریوں‌کے 52 مکانات کو دھماکوں سے اڑا دیا گیا ہے ۔