یمن سے داغا گیا میزائل سعودی عرب نے تباہ کر دیا

سعودی عرب کی فضائی قوت  نے گزشتہ  شام یمن کے حوثی باغیوں کی طرف سے داغا گیا ایک بیلسٹک میزائل سرحدی شہر نجران میں مار گرایا۔

خبر کے مطابق، سعودی عرب کے ایک عسکری ذرائع نے بتایا کہ یمن سےنجران میں داغا گیا بیلسٹک میزائل مار گرایا گیا۔

 یہ میزائل مقامی وقت کے مطابق شام سات بج کر 52 منٹ پر داغا گیا تاہم اسے ہدف تک پہنچنے سے پہلے ہی پیٹریاٹ میزائل کےذریعے تباہ کردیا گیا ۔

اس واقعے میں کسی قسم کے جانی نقصان کی کوئی اطلاع نہیں ملی۔

قبل ازیں گزشتہ ہفتے کے روز بھی ایران نوازحوثی باغیوں نے نجران پر ایک بیلسٹک میزائل داغا جسے مار گرایا گیا تھا۔

گزشتہ ہفتے کے دوران سرحدی شہر جازان پر دو میزائل حملے ناکام بنائے گئے تھے۔

سعودی عرب نے حوثیوں کی طرف سے شہری آبادی کو دانستہ طورپر نشانہ بنانے کی حوثی سازشوں کی شدید مذمت کرتے ہوئےانہیں اقوام متحدہ کی قراردادوں 2231 اور 2216 کی مسلسل خلاف ورزی کررہے ہیں۔

خیال رہے کہ حوثی باغی گزشتہ کئی ماہ سے سعودی عرب پرمسلسل بیلسٹک میزائل حملے کر رہے ہیں۔

سعودی محکمہ دفاع کی طرف سےفوری کارروائی کرکے ان حملوں کو ناکام بنا کر ملک کو تباہی سے بچالیا گیا۔